Søya – Surnadal 2

Torsdag kveld var det duka for eit godt gamaldags lokaloppgjer på Søyabanen, da Søya sitt 6. divisjonslag fekk besøk av nabo Surnadal 2 til seriekamp. Mange hadde teke turen for å sjå lokaloppgjeret, som vart spela i skikkeleg fint vêr på ei perfekt grasmatte. 

Heimelaget tok kommandoen frå første spark på ballen, og ga den aldri frå seg att etter dette. 

Søya skapte fleire halvsjansar i første halvdel av første omgang, men avslutningane gjekk for det meste over mål. 20 minutt ut i kampen kom Jostein Kvendset åleine mot keeper, men greidde ikkje å overliste han. Surnadal 2 hadde sin største og einaste verkelege målsjans etter 23 minutt av første omgang, men Mattis Fiske i søyaburet redda skotet til corner. I det 31 minutt kom omgangens einaste scoring, da Erling Belsås, etter eit godt angrep, sette ballen i mål. Stillinga til pause vart dermed 1 – 0. 

I andre omgang var kampbildet det same. Søya var laget som hadde ballen mest, og til slutt kom utteljinga i form av scoringar også. I det 64 minutt auka Jostein Kvendset til 2 – 0. 

Like etter sette ein surnadalspelar ballen i eige mål, men dommar Eirik H. Furu annulerte målet for offside, noko det ikkje var mange som forstod så mykje av, men annulert vart den. Like etter, i det 70. munutt sette Henrik Melkild inn 3 – 0, før brødrene Dan og Trond blekken, i det 82. og 90. minutt scora 4 og 5 – 0. 

Heimelaget hadde som sagt full kontroll gjennom heile kampen, og 5 – 0 var ikkje eit mål for mykje i høve til spel og sjansar. 

Allereie neste torsdag er det duka for returoppgjer, og da på Syltøran stadion klokka 19:00!