Sommarfesta for bebuarar og pårørande var planlagt som utendørsarrangement i det stor teltet som foreninga har sponsa, men båd vertilhøve og temperatur var med og bestemte at festa måtte gjennomførast innendørs i kantina på sjukeheimen. men sommerfest skulle det bli, og Surnadal demensforening og helselag svinga seg rundt og arrangerte fest i kantina og med sommarpynt og sommarhattar vart det automatisk sommarstemning i kantina.
Det var god feststemning i kantina på sjukeheimen da Surnadal demensforening og helselag arrangerte sommarfest for bebuarar og pårørande. Foto jon Olav Ørsal
Den store overraskinga på årets sommarfest overraska nok dei fleste når leiar i demensforeninga, Liv Botten kunne introdusere Henning Sommero som underhaldar. Henning er nok godt kjent for dei fleste, og det vart både applaus og jubel i salen når Henning i kjent stil song «No vil vi søng» som er kjente tonar etter Ole Øye. I fortsettinga vart det både «Nordmørsminne»og «Svarraberget» etter hans Hyldbakk og «Fru Bø» og «Bøverdalsrock» etter Jørgen Gravvold. Første runde vart runda av med «I slåttatæja» etter Hyldbakk, det Henning inviterte med publikum til å bli med på allsong.
Henning fortalte at han starta med å lage musikk til tekstane til Hyldbakk alt i si ungdomstid, og det har etter kvart vorte mange. Han har også laga musikk til Jørgen Gravvold og Ole Øye. Han rosa Hyldbakk for at han har laga mykje av tekstane på dialekt eller nynorsk.
Arrangementkomiteen – frå venstre Kari Vang, bente Sylte, Liv Botten (leiar), Magny Haugen, Bente Mogstad, Dagny Garte – i tillegg var Brit Marie Wæge med. Foto jon Olav Ørsal
Surnadal demensforening og helselag har stor aktivitet gjennom heile året, og nyåret er ikkje gamalt før dei inviterer sine medlemar til nyttårsfest. Elles går det slag i slag med kaffelag, songstund, hjartemarsj tysdag turar og meir til – til hausten blir det demenaksjon, Alsheimen infofilm, torsdagsdan og mykje anna. Foreninga er forresten landets nest største demensforening med 374 medlemar, og Liv Botten fortel at dei no jobbar med å etablere eit demenskor, der Rolf Arne Berg blir dirigent.
Erik L. Moen var lydmann og sørga for oppkobling av utstyret som var bruka. Foto Jon Olav Ørsal
På sommarfeste vart det etter kvart traktering med kaffe og kaker, og litt is høyrer sjølvsagt med når det er sommarfest. Elles vart det stor spenning når det kom til trekninga i gratislotteriet, der det var mange flotte gevinstar blant anna frå Sparebank1 Nordmøre som sponsor. Til slutt skulle det bli ein ekstra sekvens med Henning Sommero attom pianoet.