Det er no tilnærma «full guffe» ved Melby Snekkerverksted etter brannen 16. juni. Det dreier seg stort sett om bygningsmessige skader, fortel dagleg leiar Bjørn Melby i Talgøbedrifta Melby Snekkerverksted på Eide. Det er no gjort midlertidige reparasjoner av bygget og i disse dager er Polygon engasjert til å vaske ned og fjerne all røyk og sot som har hamna inne i fabrikkbygninga.
No er mannskap frå Polygon i gang med å fjerne sot og røyklukt frå fabrikklokalet der brannen oppstod. Foto Jon Olav Ørsal
Det var i overflateavdelinga som er lokalisert i den nyaste delen av fabrikken at brannen oppstod, og ein har vel konkludert med at det var sjølvantenning som var årsak til brannen. Bjørn Melby viser rundt i bygget som er skadd, og han er veldig glad for at skadene er såpass begrensa. Spesielt er han glad for at ingen av maskinene var nevneverdig skadd, fordi det tar lang tid å erstatte slike. -Vi har sikkert måtta venta både 1 og 2 år dersom vi hadde måttet erstatte og skaffet nye maskiner.
Melby reknar med at det blir tilnærma full produksjon når ein startar på igjen etter ferien, sjølv om han nærast fikk sjokk denne junidagen da røyk og eld trua med å legge livsverket hans i grus.
Eit par av maskinene som kom tilnærma uskadde frå brannen den 16. juni. Foto Jon Olav Ørsal
Fabrikklokala hos Melby Snekkerverksted på Eide. Det var i bygget lengst til ventre at det oppstod brann tidlegare i sommar. Foto Jon Olav Ørsal