Skulesaka: Feira med kake og is til elevane

Torsdag var det klar at fleirtalet i kommunestyret støtta rådmannens tilråding i saka som omhandla den vidare skjebnen til Todalen skule. Med ei lita endring vart det gjort positivt vedtak i saka, og dermed er situasjonen meir forutsigbar både for borna, lærarane og foreldra.  Vedtaket vart behørig feira med sjokoladekake og is til alle, både skuleborna, tilsette og aksjonsgruppa frå FAU.

Bjørn Gunnar Ansnes er leiar for gruppa som har jobba med skulesaka, og han sett stor pris på at ting no blir forutsigbart, og det blir slutt på å bruke skulen som salderingspost når det er problem med å få budsjettet til å gå i hop.  – No blir skulen «freda» heilt til elevtalet kjem under 20 før saka kjem opp på ny, og teljedatoen blir 1. august året før. No blir det imidlertid høring om skulen i Todalen, og den kjem til å foregå innafor ramma av dagens kommunestyrevedtak.

Det er mange ting som påverkar barnetalet og folketalet i bygda. Rektor Britt Mossing seier at ting blir annleis når folketalet minkar og folk er 10 år eldre før dei får no enn dei var før.  – Det er godt at ting no er meir forutsigbart både for elevar og lærarar, og at det no blir meir ro for å ivareta den faglige biten. 

No må alle klutar settes til for å få meir folk (les skuleborn) inn i bygda. Talgø MøreTre er godt i gang med å skaffe nye arbeidsplassar, der eit trettital er på plass det siste året. No gjeld det å få dei andre forutsetningane på plass, slik som bustader og trivselstiltak for å få folk til å busette seg i Todalen.