Torsdag deltok vi ved Todalen skule på Skulejoggen 2013. Arrangementet er i samarbeid med SOS barnebyer og Landslaget for fysisk fostring. Den frivillige «startkontingenten» går til SOS-barnebyer sitt arbeid for foreldrelause barn i Mwanza i Tanzania.
Dåra i år gjekk frå skulen og opp Pilskardet til Steinarstua. Der vart det ein liten stopp for å skrive namnet sitt i trimboka som oppvekstsenteret har på løåveggen der. Så gjekk turen vidare ned Storbrekkå og til skulen. Alle måtte så inn på skuleplassen for å fargelegge ei stjerne på deltakarkortet sitt. Så spurta alle ut på nye rundar – og det vart utruleg mange rundar og raudleitte ungar! Til slutt fekk alle ein velfortent diplom for stor innsats.
Bileta frå skulejoggen er teke av Torill Gjeldnes og Dordi Jorunn Halle
