Dei siste par dagane har Kaffekroken på butikken vore prega av handtverkarar og malingsarbeid. Det gamle og gulna panelet har fått både 2 og 3 strøk med lys og fin luktfri måling med Ted og Martin som dyktige penselførarar.
Karen Johanne er profesjonell når det gjeld bakels og graut – her ho i gang med bakelsjarnet ved eit tidlegare høve. Foto: Jon Olav Ørsal
Taket er måla i kvitt, og på veggane er det litt farge og farga heiter kritt. Lyst og fint blir det iallfall, og samtidig har også møblane vore gjennom ein prosess med fornying – sjølvasgt er det god grunn til å feire dette når Kaffekroken får si reopning måndag føremiddag.
Måndag blir det feiring med gratis kaffe med bakels og graut tom tilbehør. Da er det leid inn profesjonell kokk til å handtere vaffelpressa og grautkjelen. Karen Johanne vil servere nystekte bakels med smørgraut frå ca kl 10.30 og utover til kl 17.00. Da er alle velkomne innom til å sjå «nye» Kaffekroken og å ta ein kaffetår i nytt og tidsriktig miljø, skriv handelsmann Nordvik i ei pressemelding til Todalen.no