Skifte i «Galleri Kaffekroken»….

Nytt månadsskifte markerer skifte i «Galleri Kaffekroken».  Sissel Halset Storslett har i april stilt ut nokre av sine kunstverk til glede for folk som har vore innom, og hog er godt nøgd med responsen. No er turen komen til Studio Saksen, der Kristine Saksen Ulvund disponerer veggane i Kaffekroken i heile mai månad.

Kristine er habil fotograf, som jobbar både med portrettfotografering og forfallande motiv både av makromotiv og naturmotiv. Det heile starta med at ho fekk kamera i gåve til konfirmasjonen. Så vart det foto som oppgåve i 4H, og sidan som valgfag på ungdomsskulen.

For Kristine er fotografering litt meir enn hobby, for no har ho redusert arbeidstida som helsesekretær, for å kunne drive hobbyen litt lenger. Kristine fortel at det blir stadig fleire fotooppdrag – ho er fast fotograf hos PipeLife og har diverse barnehagefotografering som faste oppdrag i tillegg til portrettfotografering. No er det sjølvsagt stor fokus på konfirmasjonsfotografering. I 2009 etablerte ho seg med firmaet «Studio Saksen», og ho har no bygd seg studio heime i bustadfeltet på Flathaugan.

Onsdag kveld var det altså skifte i «Galleri Kaffekroken».  Sissel tok ned sine maleri, som har vore til publikums glede i heile april, – og no er det altså Kristine som disponerer veggande i heile mai månad. Ta turen innom Kaffekroken på Halsbua, for Kristine har fått til ein fin utstilling med stor variasjon i sine fotografi.