Når du er laksefiskar må du være optimst – da lever du i håpet og trur at storlaksen tek på neste kast. Slik er det sikkert for Jo Magnus Torvik og assistent Markus Aspås som hadde rigga set til for å ta storlaksen ved den universelle fiskerampen ved gapahuken i Båthølen. No er det iallfal snart siste sjanse for å lande storlaken for i år, for i morgon er det siste dag for laksefisket – søndag 31. august.
Jo Magnus og Markus har prøva laksen både ved Lakssteinen, i Fosstrøin og no i Båthølen. Foto Jon Olav Ørsal
Jo Magnus og Markus er begge habile laksefiskarar, men Jo Magnus er avhengig av tilrettelagt utforming på atkomsten til elva. I Båthølen er det fint tilrettelagt i så måte.
Dei to har tidlegare fiska i Toåa, både ved Lakssteinen og i Fosstrøin. – Så langt i år har det ikkje vorte nokon fangst, men dei lever sjølvsagt i håpet, og lova oss bilete dersom det skulle bli fangst i dag.
Den siste tida har det vore fin fiskarelv, og det er hittil i sesongen teke 90 fiskar så langt i år – til saman 258 kg, som vil gje ei snittvekt på 2,9 kg. Dette er nær ei dobling frå fjorårets fangst på 53 fiskar og 158 kg. Er laksen i Toåa på framgang igjen, kanskje?
Fiskarrampen og gapahuken i Båthølen – her er er det tilrettelagt med universell uformin både på adkomst og fiskarrampen som ligg i Toåa tursti. Foto Jon Olav Ørsal