Torsdag starta Stavganggruppa i Surnadal pensjonistlag på ny sesong med besøk til nabokommunen og området ved Igltjønna i Rindal sentrum. Det var skikkeleg respons på turopplegget, og over 40 deltakarar møtte opp.
Dette var første stavgangturen etter ein lang feria som har vart sia juni ein gong, og da var det sjølvsagt mykje å prate om når folk samlast rundt borda etter stavgangturen rundt tjønna. I sommar har stavgangarane trimma kvar for seg og ilag med familie og venner, så det var sjølvsagt godt å samlast i organiserte former igjen no.
Sigrun Ørsal hadde sjølvsagt med seg kamera og fanga inn fleire fine motiv som vi har lagt ut i galleriet nedafor.
