Februar starta med sol frå klår himmel og godver. Likevel var det fullt rundt borda i Sanitetshuset da Åse og Gro ønskte vel møtt til strikkekaffe.
Dette overraska vertinnene, men det er slik at sosialt samvær er «sol og lys» for folk. Det gjer så godt å treffast til prat og kaffelag.
Til kaffen vart det servert marmorkake med nøtter og rundstykke med ost og syltety, riktig godt!
Til slutt var det utlodding, mange gevinstar og mange vinnarar. Inntekta kjem godt med; det kostar å ha eige hus.
Neste strikkekaffe blir 22. februar – altså laurdagen før VM på ski startar i Trondheim.
Ivrig samtale. Jorunn, Kari, Arndis og Synnøve. Foto: Dordi Jorunn Halle.
Vertinnene Åse og Gro sørga for kaffe og kaker. Foto: Dordi Jorunn Halle.