Reidar fikk oppleve naturmetoden…

Sist fredag hadde vi ei sak om kunstig befruktig av lakserogn, der Rossåa settefisk sikra seg gener for å vidareføre todalslaksens eigenskapar. Det skjedde i Stamlakshuset i Brusetmarka – og i kontrollerte former.  Men genene blir også vidareført i Toåa på denne tida – og ved bruk av naturmetoden. Det fikk nemleg Reidar Østvik og sonen Ragnar oppleve for ei vekes tid sia, – og det skjedde i nedre del av Raubekkhølen (ca 100 meter ovafor Hengebrua).

Det var Ragnar Østvik som oppdaga kva som foregikk i elva da han kom forbi frå ein fjelltur. Det har den siste tida vore lita vassføring i elva, og fikk sjå at det var aktivitet i elva. Det var ein stor holaks (ca 7-8 kg trur Reidar) som dreiv og laga gytegrop, og ho var kurtisert av 2-3 hannlaksar som var betydeleg mindre.  Ragnar alarmerte faren Reidar, som kom med kamera, for å prøve å få bilder av dette.

Men alle som har prøvd å fotografere fisk i vatnet veit kor vanskeleg det er på grunn av lysbrytinga og refleksane som skapar vanskar. Men nokre bile vart det og det er relativt greit å sjå kva som foregår.

Om det blir noka resultat av dette får vi nok aldri greie på, men det er iallfall heilt sikkert at vi aldri får gentesta avkommet for å sjekke om det er ekte todalslaks eller om det er rømt oppdrettslaks som eventuelt blir foreldre til dette avkommet.  Men vi rettar i allfall ein takk til Reidar Østvik for bilda – og for historia, og ei artig oppleving var det heilt sikkert!