I dag tidleg var det redningsaksjon av kommunalt materiell på Kalkstranda i Surnadal. Ei kraftig uvêrsbyge over Surnadal i går kveld gjorde at stupetårnet som til vanleg er forankra ved Kalkstranda sleit seg. Dermed vart det eit litt anna redningsoppdrag som venta beredskapsvakta og medhjelparane i dag tidleg når dei måtte få tak i flytebryggja og taue ho på plassen sin igjen.
Michal Heimlund som er driftsleiar for vatn og avløp i kommunen har send oss nokre bilder frå tauinga.
Oppdrag utført før dei første badegjestane ankom stranda. Her med beredskapsleder Olav Rønning.
Stupetårn sikra på land. Vegard Mongstad stilte umiddelbart i går kveld med båt og god hjelp når beredskspsvakta tok kontakt for hjelp.