Tysdag 8. april klokka 19:00 inviterer Surnadal bibliotek til forfattarmøte med Ragnhild Lund Ansnes, der ho vil fortelje om den siste boka si «Klopps Liverpool», som ho gav ut hausten 2024.
Lund Ansnes er gift med surnadalingen Jostein Ansnes, og dei driv saman Hotel Tia & Liverpool Adventures i Liverpool, der dei no bur.
I sytten år har forfattar og foredragshaldar Lund Ansnes samla og fortalt historier om klubben i sitt hjarte, Liverpool Football Club. Ho er oppteken av korleis botballen påverkar folk.
Jürgen Klopp har skrive forordet til Lund Ansnes si bok «Klopps Liverpool». Foto: B G Ansnes
Dette er Lund Ansnes si sjette bok, og saman med eit titalls andre menneske tett på tidlegare Liverpool-manager Jürgen Klopp, fortel ho om høgdepunkta frå den karismatiske tyskaren sine ni år i ein av verdas største fotballklubbar. Ein får eit inspirerande innblikk i gode leiareigenskapar og kor viktig det er å sjå menneska rundt.
Jürgen Klopp har sjølv skrive forordet i boka. ARK Surnadal vil denne tysdagskveld vere på biblioteket for å selge signerte bøker.
Surnadal bibliotek ønsker velkommen til fortattarkveld med Lund Ansnes!