Søndag arrangerte Todalen sokneråd tradisjonell friluftsgudsteneste i arboretet. Soknerådet har god erfaring med å arrangere friluftsgudstenester, og skryter av godt frammøte. I dag var det rundt 60 som tok turen til Svinviks arboret, der det var rigga til med provisorisk alter og ringeklokke i hagen.
Kvar er Gud? – det var tema for dagens preken. Prost Vidar W. Rygh var dagens liturg i arboretet i dag. Foto Jon Olav Ørsal
Det var prost Vidar W. Rygh som var liturg, medan Bernt Bøe vikararte som organist. Kyrkjevertar var John Moe og Ola Bruset, medan Randi V. Bøe var klokkar og tekstlesar, og Tor Rune Halset var kyrkjetenar. Tema for dagens preken var spørsmålet «Kvar er egentleg Gud» – Han var her ein gong og kjem nok att.
Borghild B. Talgø delte ut 6-årsboka til Mille – som skal begynne på skulen i haust. Foto Jon Olav Ørsal
Elles gjekk dagens takkoffer til kyrkjelydsarbeidet – her kan du enno bidra dersom du vil på vipps# 506908. Neste gudsteneste i Todalen er 1. september kl 11 og i Stangvik kyrkje er neste gudsteneste 25. august kl 11. Leiar i Todalen sokneråd Borghild B. Talgø delte i dag ut 6-årsboka til Mille Svinvik. Til slutt var det nattverd for den som ville, og etter gudsteneste vart det servert kaffe rundt borda i hagen.
Klart for nattverd for den som ville – klokkar Randi V. Bøe og Vidar W. Rygh stod for utdelinga. Foto Jon Olav Ørsal
Kyrkjekaffe etter gudstenesta – Ola Bruset og Tor Rune Halset står Borghild Talgø til hånde. Det vart og delt ut frukt frå hagen i arboretet og det var også bruka som ingrediensar i bakverka. Foto Jon Olav Ørsal
John Moe frå soknerådet gjekk rundt med kollektskåla – her kan du også gje kollekt på vipps #506908. Foto Jon Olav Ørsal
Vikarorganist Bernt G. Bøe sørga for orgeltonar til salmesongen frå el-orgelet. Foto Jon Olav Ørsal