Kveldens trimtur til Toåa tursti avslørte at det var eit eller anna som foregikk ved eit av borda som er utplassert attmed gapahuken i Båthølen. Med PC’n på bordet og kaffekanne for traktering skjønte vi at det var møte på gang.
Og det var da ikkje meir komplisert enn at det var styremøte i Surnadal konstforening som foregikk. Dei 5 damene nytta ut finvêret, og flytta styremøtet ut i friluft, og det såg ut til at dei nytte kvelden i langdrag. Og dei ga da uttrykk for at dei var godt nøgd med «møterommet» som enda til var gratis å leie.
På agendaen denne kvelden stod mellom anna gjennomføring av haustens store kunstutstilling – Lauvfall 24. Det er i år 15. gong at Lauvfall blir arrangert. Fristen for innlevering av arbeid til juryering gjekk ut 20. august. Utstillinga opnar 21. september i Galleri Finstua på kulturhuset.