Onsdag 18. juni inviterte Pensjonistforbundet Surnadal til medlemsmøte på Gammelfabrikken i Brusetmarka i Todalen. Gammelfabrikken i Todalen – ein framifrå plass å møtast, konkluderer Anne-Sissel U. Mogstad i Pensjonistborbundet Surnadal.
«Tingvollulven» har ein sentral plass i Trollheimsutstillinga. Foto: Anne-Sissel U. Mogstad
Sjølv om vêret ikkje var det aller beste, så møtte over sytti medlemmar på siste medlemsmøte før sommaren.
Gammelfabrikken kan anbefalast var den unisone dommen frå medlemmane!
Jon Olav Ørsal fortalte Talgø si historie. Foto: Anne-Sissel U. Mogstad
Jon Olav Ørsal losa forsamlinga gjennom historia til Talgø-konsernet, frå starten i 1899 og fram til i dag. – Ei interessant historie om framtidstru og pågangsmot hos dei to som starta det heile, Tora og Tore Talgø, fortel Anne-Sissel.
Trollheimsutstillinga med sine mange dyr og fuglar, er ei fin og interessant utstilling. Foto: Anne-Sissel U. Mogstad
– I andre etasje viste Gunnar Nordvik oss Trollheimsutstillinga; ei nydeleg samling av utstoppa dyr og fuglar som tidlegare var lokalisert på Stangvik skule, held ho fram.
Nokre av produkta som er produsert opp gjennom åra, har «kome heim att» og er utstilt på Gammelfabrikken. Foto: Anne-Sissel U. Mogstad
– I tillegg kunne vi sjå ei stor utstilling av verktøy og møblar laga på fabrikken, legg ho til.
På Gammelfabrikken er det også samla mykje gamal reiskap. Foto: Anne-Sissel U. Mogstad
– Takk for flott gaiding og velvilje i samband med arrangementet, avsluttar ho. Styret i Pensjonistforbundet Surnadal ønsker alle medlemmane ein fin sommar!, avsluttar ho.