Onsdag ettermiddag kunne leiar Bitten Ranes i Pensjonistforbundet Surnadal ønske velkomen til knappe hundre medlemar på 50-års festa på Thon Hotel Surnadal. Totalt har ho 270 som er medlemar innafor kommunens grenser og 8.000 i MR-fylke, medan det på landsbasis er rundt 250.000 som er medlem.
Ordførar Hugo Pedersen var først ute blant gratulantane – han hadde med seg ein gåvesjekk på kr 3000 til leiar Bitten Ranes i Pensjonistforbundet Surnadal. Foto Jon Olav Ørsal
Pensjonistane er litt av ein ressurs, som på landsbasis utfører frivillig innsats for 39,6 mrd. Ordførar Hugo Pedersen var først ute av gratulantane, og han rosa pensjonistane for sitt aktive arbeid og innsats både med tanke på samfunnsnyttige tenester. Pedersen hadde med seg ein gåvesjekk på 3000 kroner som ei helsing til jubilanten.
Anne Lise Hessen Følsvik helsa frå fylkeslaget og landsforbundet. Foto jon Olav Ørsal
Vidare var det Anne Lise Hessen Følsvik, som er leiar i Pensjonistforbundet MR som helsa til jubilanten og oppsummerte litt av møteverksemda og oppfølging av helse- og eldrepolitikk og ikkje minst den sosiale verdien av aktivitetane.
Gøran Bolme hadde med seg «bedehusgitaren» og sørga for underhaldning frå «øverbøgda». Foto Jon Olav Ørsal
Gøran Bolme var hyra inn for å underhalde forsamlinga med lokal humor, og det var ei oppgåve han klarte med glans. Han hadde med seg den elgstemte bedehusgitaren etter bestemora og underheldt publikum seg med «nasadråppe», slengbrøker og mykje anna. Runda av med å framføre «hymne til nasadråpen».
Kristian Ranes oppsumerte laget 50-årige historie på ein fin måte. Foto Jon Olav Ørsal
Kristian Ranes var nestemann ut på underhaldningsfronten. Han hadde laga eit resymé av jubilantens liv og virke, frå den spede start i 1975 med Anders Sæterøy som leiar og fram til i dag når Surnadal pensjonistlag står fram med nytt namn – Pensjonistforbundet Surnadal. Han kunne minnast mange milepelar i denne 50-årsperioden – mellom anna har Einar Gerhardsen vore her for å kåsere og ein annan viktig milepåle er nok stavganggruppa som har eksistert sia 2006. Den har no fått ein avleggar i «Innetrimmen» som går vinterhalvåret.
Olav Mogstad fortalte om VM-satsinga og den doble Boklöwstilen han satsa på. Foto Jon Olav Ørsal
Siste post på underhaldningsprogrammet var Olav Mogstad som for høvet var skihoppar og VM-kandidat – han demonstrerte den doble Boklövstilen og fortalte korleis han hadde jobba seg fram via Sagatun og tok sats til Granåsen.
Dagens leiar Bitten Ranes, delte ut blomster til tre tidlegare leiarar som deltok på festa – frå venstre Johs Våg, Helge Røv og Kristian Ranes. Foto Jon Olav Ørsal
Etterpå programinnslaga var det ein pause for å strekke på føtene og servering av bobler, før det var samling rundt borda igjen. Da var det tid for at naboane – Halvard Kjelås frå Pensjonistforbundet Rindal og Endre Flatvad frå Pensjonistforbundet Sunndal kunne koma med si helsing til jubilanten.
I pausen før middagen var det «bobler» i peisestua – foto Jon Olav Ørsal
Så var det tid for jubileumsmiddag – ein utsøkt meny som bestod av grava laksetartar frå Vorpa, Filet av svin frå Sylte gardsslakteri og youghurtpanakotta til dessert – ein meny hotellets kjøkken og servitørar kan være stolte av. Anne Einum takka for maten, før leiar Bitten Ranes runda av jubileumsfesta og takka for oppmøtet.