Jon Ola Romundstad og Bjørn Sæterbø har den siste tida snekra saman 2 messesutstillingar som dei har montert den siste veka – den eine i Exporama på Hellerud og den andre på Nova Spektrum – tidlegare Norges Varemesser. Dei to er internsnekkarar hos Talgø, Jon Ola Romundstad er påtroppande og ny i «gamet» og Bjørn Sæterbø er avtroppande og egentleg nybakt pensjonist.
Støyskjermar er eit stor produkt for TalgøBygg – dei blir laga i alle fasongar og farger. Foto Bjørn Sæterbø
Utstillinga på Hellerud er laga for Mestergruppen som har sitt messearrangement der. Her er det mellom anna veggpanel som står på agendaen, og som er vist i utstillinga som er bygd opp her.
Her er det veggpanel som blir presentert – sjølvsagt laga i Møre Royal. Foto Bjørn Sæterbø
På Nova Spektrum er det «Vei og anleggsmesse» Her er det støyskjermer som profileres i utstillingane – og alt er sjølvsagt produsert i Møre Royal, som held på og blir eit godt innarbeidd varemerke, seier Bjørn Sæterbø. Bjørn har vore messesnekkar i mange år, og er imponert over måten Talgø har bygd opp Møre Royal som eit varemerke. No fram mot helga er salgsapparatet på messene og sørger for at budskapet blir bringa vidare.
No er Jon Ola og Bjørn i fullt arbeid med neste utstillingsprosjekt. Foto Jon Olav Ørsal