Gudstenesta i Stangvik kyrkje palmesøndag kveld blir ei vandring gjennom påskebodskapen i tekster, songar og symbol. Stangvik Jentekor har ein viktig rolle – med song og pantomime. Langfredagsdramaet i Bibelen blir framført som veksellesing av «Jesu Sju Ord på Korset» knytt opp til salmen «Naglet til et kors på jorden».
Etter pantomime-tolking av oppstoda påskedag munnar gudstenesta ut i jubelsongen «Dine hender er fulle av blomster». Bernt Venås er predikant og liturg. Etter gudstenesta er det servering i prestegarden. Og deretter kan alle som vil, rekke operakonserten i Bondehuset.
