I dag var vi oppmøtte i Todalen skule da klokka var 8.30 for å få med oss skulestarten. Det var også 23 elevar som strutta av energi, og var glade for å treffast på skuleplassen igjen etter ein lang sommarferie. 3 nye førsteklassingar var også på plass, med nye flotte skulesekkar, og stillte nok med store forventningar.
Førsteklassingane fann tonen fort – frå venstre Trygve Alexander, Jens Sancho og Martine med sine flotte skulesekkar. Foto: Jon Olav Ørsal
Etter ein rask fotosession – eit bilde med heile gjengen og eit med førsteklassingane åleine var det klart for å finne klasserommet for ein litt mjuk start den første skuledagen i eit nytt skuleår.
Vi vil også minne trafikkantane om at det no er mange mjuke trafikkantar på vegane i samband med skulestarten. Kjør forsiktig og være spesielt oppmerksam på dei minste – 6-åringane har ikkje så mykje erfaring frå trafikken.