Todalen Idrettslag

Søndag er det nok ein gong klart for verdas største fotballturnering på Ekebergsletta. Norway Cup sparkast da i gang og over 4200 kampar skal gjennomførast på dei mange arenaene rundt om i området på Ekeberg. Også i år stiller Søya/Todalen/Kvass/Ulvungen med mannskap i ulike klassar. Rundt 65 spelarar fordelt på 4 lag. Og dei reiser som alltid med både trenarar, oppmenn og foreldre nedover. Innlosjering av spelarar er tradisjonelt på lokale skular i omådet, og dei er venta nedoverkomne i løpet av laurdagen, då dei fleste laga spelar første kamp allerede på søndag.

Siste kamp før ferien endte med seier for fotballguttene på a-laget til Søya/Todalen. Første målet av Kenneth Sæterbø på et kanonskudd fra 25 meter rett i vinkelen. Bøfjorden kom inn i kampen igjen etter scoring på en litt billig straffe, skriv Knut Bergli i en epost til Todalen.no

Det er nok mange som har teke med funksjonærdraktene som var bruka under Todalsdagen heim for å vaske dem. Todalen I.L. takkar for det, og melder at dei no kan leverast inn på butikken på Matkroken L. Hals, slik at dei er klare til bruk seinare. Draktene er ikkje til sals, melder laget.  

Vi på Todalen.no held på tradisjonen med å ta bilde av alle deltakarlaga under Todalscupen. Vi tykkjer alle dei flinke deltakarane fortener det – som står på frå tidleg morgon til langt på ettermiddag. Dei spelar fleire kampar gjennom dagen, og har i tillegg overskot til å delta på RætaOPP junior og drive med landhockey og trøbilkjøring i pausane. Det må være godt å koma heim og kanskje leggje seg tidleg etter ein slik dag?

Todalsdagen er eit stor løft for bygda som berre har 320 innbyggjarar. Alle må være med og ta eit tak for at ting skal kunne realiserast. Todalsdagen engasjerte eit hundretal av sambygdingane og andre for å få det til å gå i rundt.

Med 34 lag på 5 baner, knøtteløp og Ræta opp seier det seg sjølv at det har vore full fart og vel så det på Bordholmen i dag. Og i å med at veret var direkte heilt fenomenalt fantastisk, kan det ikkje anna enn seiast at dagen så langt har vore perfekt for arrangørane.

Heile 121 solgte startnummer til årets Ræta opp må seiast nok ein gong å vera ein suksess. Ansvarleg Ingvild Kårvatn melder i etterkant om at heile 10450 kroner kom inn under dagens mosjonsløp, pluss at Surnadal Sparebank har sponsa deltakarbevis for alle.

Presis kl 9.30 satte speaker Magne Hansen igang dei 5 første kampane i TodalsCupen på Bordholmen i Todalen. 34 lag deltek i fotballcupen i år, og med blå himmel og god utetemperatur ser dette ut til å bli en drømmedag på Bordholmen.

Snart er det klart for startskotet for Todalsdagen 2014. Fredag kveld var det hektisk aktivitet for å få alle førebuingane unnagjort og det var dugnad både på Bordholmen og i Ungdomshuset for å få alt klart til starten laurdag morgon. Mange var innom redskapshuset på Bordholmen med mange fine lopper, og det er enno ikkje for seint å levere. Rekk du det ikkje i kveld, så har du mulegheit i morgon tidleg. Loppemarknaden opnar kl 10.00.

Parkering foregår på SIAS vis a vis fotballbanen i Todalen og på baksiden av Talgø Møbelfabrikk.  Fra baksida av Talgø Møbelfabrikk går det ein sti 50 meter til fotballbanen. Vennligst unngå å parkere på ekrene. Velkommen! Hilsen Todalen IL

Tysdag kveld var det slåttadugnad på Bordholmen. Tradisjonelt er det finpuss av anlegget før Todalsdagen, og det «surra» i kantkløpparar frå alle kantar da dugnaden stod på sitt høgste. Inne i klubbhuset var det også arbeid med rigging av kiosken og grillutstyret slik at ein kan utnytte full kapasitet på både produksjon og salg av mat og drikke utover laurdagen, når over 400 spealar med tilhørande støtteapparat og supportere må ha påfyll av energi.

Fort og skart vart det organisert tradisjonell sankthansfeiring på Bordholmen i går kveld. Oppmøtet vart nok desverre også deretter, men dei som kom, hadde det sosialt i lag. Terje Nordvik hadde ordna med varm grill, som alle kunne benytte seg av. Ellers var naturlegvis dei populære trøbilane tilgjeneleg for ungane.