Skulstuå i Todalen

I førre veke hadde Todalen besøk frå Ytre Kunstfagskole. Då dei i fjor var på eit dagsbesøk, vart opphaldet denne gongen eit meir fordjupande møte med staden. Besøket starta i Molde, der studentane fekk omvisning i utstillinga Doggerland av Siri Skjerve og Toril Redalen ved Møre og Romsdal Kunstsenter. Omvisninga var òg eit ope publikumsarrangement og danna eit naturleg utgangspunkt for vidare arbeid i Todalen.

Det er Rune Hannem som seier det – no er det berre Nordmørspols etter Todalstradisjon som er att, og alle dei andre variantane er borte.  Derfor inviterte Rune Hannem og kona Jorun seg til Todalen for å arrangøre Polsdanskurs.  Søndag kveld var det rundt 20 deltakarar som svinga seg til takter frå Torgeir Leivdal som trakterte fela i gymnastikksalen i bygningane til Todalen skule.

Den entusiastisk stordansaren Rune Hanem med fylje, kjem frå Meisingset til Todalen for å halde kurs i Todalspols. Han ynskjer no å lære frå seg denne fine dansen, som han sjølv fekk lære av polsdansarar frå Todala for mange år sidan. «Den har så mange gamle vendingar som ikkje finst lengre i nokon dans i landet», fortel Rune som ynskjer at nye generasjonar skal få lære denne polsen.

Det vart ein forsiktig start på sesongens første arrangement med «Bøt og bedring» i Skulstuå, men det vart likevel ein triveleg kveld med fyr på peisomnen og bøting av gamle klede og litt kortspell utover kvelden – og sjølvsagt vart det kveldsmat etterpå. 

Torsdag 18.september kl.18 startar vi oppatt med bøt & bedring oppi Skulstuå.  Ta fram «hållåte» og slitte klede som treng å bli bøtt. Kortstokken er nyblanda og klar for eit slag amerikaner.

Sol ute, interessant og lærerik dag inne. Skulstuå i Todalen inviterte til kulturdag laurdag 30. august med foredrag om lærar og kyrkjesongar Kristian Halse.

Laurdag 30.august kl.13.00 inviterer Skulstuå i Todalen til eit interessant foredrag der Rannveig Eikrem fortel om lærar og kyrkjesongar Kristian Halse (f.1858 – d.1939).

Det var Siri Lund og ektemannen Francesc som inviterte til spansk aften i Skulstuå. På menyen stod det ekte spansk paella og dette trekte tilnærma fullt hus i Skulstuå.  – Siri og Francesc bur begge i Alfaz del Pi i Spania, den ho arbeider som norsklærar og han er spansklærar – kokkeleringa skjer på hobbybasis, men dette fekk vi erfare at var ein god kombinasjon.

Har du lyst til å smake paella og anna spansk mat, spør Francesc og Siri frå «piratskulen» i Holatrøa.  Dei har mange gong arrangert spansk aften med Tapas på pakkhuset, men denne gongen er det altså paella og Skulstuå som står på programmet. Dei to inviterer altså til spansk aften i Skulstuå laurdag 9. augst i tidsrommet 18:00 – 21:00
Spansklærar Francesc og norsklærar Siri frå «Piratskolen» i Holmatrøa inviterer til spansk aften   med spansk mat og god todalsk piratstemning!

Skulstuå i Todalen er eit kulturhus for alle – eit hus som og rommar den frie kunsten og den frie tankje, in spe og i all sin prakt.  No er det tid for medlemskontingent.
– Medlemskap er ein viktig del av drifta vår – takk til alle som støtter oss! Medlemmar blir tilsendt eit vippskrav for medlemskap i 2025.
Vi ønskjer nye medlemmar hjarteleg velkomne!

Laurdag hadde Skulstuå ein «sprett-opp-kafé» i Bekkerhagan, med nykoka kaffe og eit rikhaldig kakebord. Her fekk besøkjande ta del i den livlege samtalen rundt langbordet etter at dei hadde vore innom verkstaden til kunstnar Siri Skjerve. I verkstaden fekk dei mellom anna høyre om korleis Siri behandlar skinna ho brukar i skulpturane sine, der nokre av døma var råhud som har vore lagt i Toåa for avhåring, medan andre var feittgarva med hjerne. 

Kva med ein ut oppi Skulstuå i finveret i helga? Utstillinga FISK står i heile sommar og laurdag 14.juni frå kl.13 til 16 er den igjen opa, som og annonsert i Driva.  Det er Ingvar Ortega Redalen (f.2012) som har teikna fiskar frå både nære og fjerne havstrøk, her kan du sjå både regnbogeaure, brisling, havmus, slimål, storskat, gjøkskate, tagghai og kval og mange fleire fiskeartar.