Tysdag 30. september er sesongens siste dag i trimåret 24/25, og «På tur i Todalen 24/25» i trimpoengappen blir avslutta, og blir onsdag 1. oktober erstatta av den nye «På tur i Todalen 25/26». Todalen Idrettslag fortsett altså med den populære trimappen også den komande trimsesongen.
Det komande trimåret blir Appelsintreet i Øyalia nytt turmål, slik at for det blir 28 turmål i trimåret 2025/26 , pluss nokre dagsturmål, som vil bli annonsert nærare seinare. Ei anna endring for trimåret 2025/26 er at ein no får 3 poeng ved innsjekk på dei lengste turane, som er Bjøråskaret, Blåfjellet, Bollknubben, Storfjellet, Lauvåvatnet og Rambjøra. Ved innsjekk på dei andre andre turmåla får ein 1 poeng som før.
Du finn den nye «På tur i Todalen 25/26» her og under konkurransar i Trimpoengappen. Appen lastar du ned i Play Butikk eller i App Store.
I trimsesongen som no blir avslutta, har dei 88 deltakarane som har delteke totalt sjekka inn godt over 5500 gonger på dei 27 turmåla.
Full statistikk, vinnarar og premieliste for trimåret 2024/25 vil bli offentleggjort litt seinare her på Todalen.no.
Da ønsker vi god tur!