Måndag 30. september er sesongens siste dag i trimåret 23/24, og «På tur i Todalen 23/24» i Trimpoengappen blir avslutta. Tysdag 1. oktober tek den nye «På tur i Todalen 24/25» over stafettpinnen. Todalen Idrettslag fortsett altså med den populære trimappen også den komande trimsesongen.
Det vil det komande trimåret vere dei same 27 turmåla, som for trimåret som no blir avslutta. Du finn den nye «På tur i Todalen 24-25» under konkurransar i Trimpoengappen. Appen lastar du ned i Play Butikk eller i App Store.
I trimsesongen som no blir avslutta, har dei 104 deltakarane som har delteke totalt sjekka inn i underkannt av 5900 gonger på dei 27 turmåla og 4 dagsinnsjekkturmåla.
Full statistikk, vinnarar og premieliste for trimåret 2023/24 vil bli offentleggjort litt seinare her på Todalen.no.