Da kan leiar i Todalen Idrettslag, Elinor Bolme og driftsleiar i Toåa tursti, Ivar Bolme melde at turstien er nybrøytt og klar for fottur! – Her er det fine forhold for ein fottur, og det er heller ikkje noko problem å ta med seg barnevogn på turen, seier Elinor.
Det er også nypreparerte løyper og fine forhold i lysløypa på Tjønnmyra.
Fine forhold for fotturar i Toåa tursti. Foto: Elinor Bolme
– Paralelt med turstien er det køyrt på spor, slik at den som vil bruke ski kan gjere det, legg ho til.
Turstien blir brøyta. Foto: Elinor Bolme
Platten framfor gapahuken ved Båthølen er måka for snø, så her er det mogleg å koke seg kaffe på bålpanna. Ein finn både kaffekjele og ved i bua bak gapahuken, og alle kan bruke både kaffekjele og ved når dei vil!
Ved sidan av turstien er det laga skispor. Foto: Elinor Bolme
Elinor ønsker, på vegne av Todalen Idrettslag å nytte høvet til å ønske alle eit riktig godt nytt år, eit år som står i friluftslivets teikn!