Tove Fugelsnes frå NRK radio og avdelingsleiar ved Surnadal museum Dordi Kjersti Mogstad har denne veka gått rundt i ein blomstrande og duftande hage bada i sol og varme – der nye blomster og blad sprett ut frå time til time – og gjort opptak til radiosendinga som skal gå no førstkomande søndag – 1.pinsedag. Programmet «Naturens verden» er ein klassiker i NRK P1, med over 700 000 faste lyttarar. Reportasjane frå naturperler rundt om i landet gleder kvar søndag naturinteresserte folk i heile Norge. Så pass på å få med dykk ein fin stemningsrapport frå Nordmøre og Svinviks arboret sendt på riksradiokanalen NRK P1 søndag kl. 9-10!!
Blomstringa i arboretet er no i full gang, og det er litt av eit syn. Arboretet er ope heile pinsehelga, med opningstid 12-17, og det er absolutt verdt å ta turen for å sjå rododendronhagen og resten av arboretet i full flor. Vi anbefaler også å ta turen innom kafeteriaen i arboretet, der dei kan by på forfriskningar og lekre kaker til kaffe’n.
