Nok ein suksess for «næringslivsdagen»

Tysdag inviterte SpareBank 1 Nordmøre til den tjueførste «næringslivsdagen». 220 deltakarar hadde meldt seg på årets utgåve, og dei fekk ein innhaldsrik og interessant dag der bakteppet hos dei fleste foredragshaldarane sine innlegg hadde eit alvorsprega bakteppe, både politisk og økonomisk. 

Administrerande direktør i SpareBank 1 Nordmøre velkommen til årets næringslivsdag. Han innleia med ein kort presentasjon av SpareBank 1 Nordmøre sin marknadsposisjon og den økonomien utvikling for banken.

Konferansier under næringslivsdag, var også i år Jan Erik Larsen frå Kruse Larsen AS. Han leia oss gjennom det interessante programmet på ein stødig måte med små humoristiske kommentarar. 

Første post på programmet var eit foredrag med forfattar og samfunnsøkonom Martin Bech Holte. Han hadde kalla foredraget sitt «Landet som ble for rikt», der han tok ein historisk gjennomgang av samfunnsøkonomiutviklinga i Sverige dei siste femti åra, og korleis mange ting derifrå er direkte overførbart til den økonomiske situasjonen i Norge i dag. Han viste i sitt foredrag korleis den svenske økonomien frå midten av syttitalet og fram til starten av nittitalet havarerte fullstendig. Han meiner det i dag er mange teikn i norsk økonomi som liknar mykje på den svenske situasjonen, men han meinte Norge står betre rusta økonomisk, og ved å bruke dei rette verktøya kan unngå ein liknande situasjon her til lands. 

Sjefsøkonom i SpareBank 1 Elisabeth Holvik tok i sitt foredrag for seg dei økonomiske utsiktene i ei politisk og økonomisk uroleg verd. Ho peika på at Norge økonomisk sett er inne i ei nedgangstid akkurat no, noko som mellom anna svekkar den norske krona.  

Seniorrådgjevar i Kruse Larsen AS, Gjermund Eide tok opp utfordringar og moglegheiter innan internasjonale relasjonar og forsvar. Eide var militær rådgjevar for Jens Stoltenberg under heile hans tid som sjef i NATO, og han har over førti års erfaring frå forsvaret. Han kunne fortelje at da Jens Stoltenberg og han ein gong møtte Paven, så sa Paven: «Den beste måten å oppnå fred på, er å ha et sterkt forsvar». 

Fabrikksjef på Hydro Aluminium Sunndal, Wenche Eldegard og administrerande direktør i Pipelife AS, Sigmund Aandstad fortalde korleis dei tilpassar seg marknaden i ein uroleg verden. Saman med seniorrådgjevar, Gjermund Eide, kom dei også litt inn på kor godt dei er budde på både dataangrep og andre krisesituasjonar, utan at dei ville utdjupe dette for mykje, av forståelege grunnar. Men at dei er godt førebudd, ja, det avslørte dei i alle fall!

Etter pausen fekk vi sjå ei danseoppvisning  elevar frå Indre Nordmøre kulturskule. Etter dette var det duka for den årlege utdelinga av den gjeve «Utviklingsprisen» for 2024, som i år vart delt ut for tjuefjerde gong. Møbel-Fiske fekk «Utviklingsprisen» for 2024. Både far og son Fiske vart skikkeleg overraska over tildelinga, og responsen frå salen tyda på at dei var ein populær prisvinnar. 

Kristin Clemet, degleg leiar i Civita tok oss i sitt foredrag med på ei lita politisk historie. Ho viste oss korleis den politiske utviklinga har vore i Norge frå etterkrigsåra og fram til i dag. Ho gav oss også sitt syn på den politiske situasjonen, både heime og internasjonalt. Ho såg fram til mange politiske duellar før haustens val, og ho var heilt klar på at ho meinte Norge måtte bli ein del av EU for å stå sterkare, både økonomisk og sikkerheitspolitisk, men at ho ikkje såg for seg ei rask avgjer om medlemsskap. 

Administrerande direktør i Teleplan Consulting AS, Carl-Axel Hagen fokuserte i sitt foredrag mest på digitale angrep og kva vi som privatpersonar og næringslivet kan gjere for å verne seg mot slike digitale angrep.    

Siste post på årets «næringslivsdag» var Henrik Syse sitt foredrag, som han hadde kalla «Om å ta vare på de viktigste verdiene når alt er i endring». På inn- og utpust, fekk vi høyre Syse sitt syn på det som har skjedd, og det som kjem til å skje i framtida. 

Oppsummert kan trygt fastslå at SpareBank 1 Noredmøre sin «næringslivsdag» også i år vart ein stor suksess. med interessante foredragshaldarar som bidro med interessante og dagsaktuelle foredrag, sjølv om bakteppet for dei fleste foredraga i år var prega av den urolege situasjonen i verda, både politisk og økonomisk. Det er vanskeleg å samanlikne programmet frå år til år, men at årets program ligg heilt i toppskiktet er det liten tvil om! Så da er det berre å begynne å gle seg til neste års «næringslivsdag»!