Nasjonaldagsfeiringa på Nordvik vel i hamn

I tradisjonen tru hadde Nordvik Grendalag invitert nordvikgardingane mai-feiring i Nordvik forsamlingshus. Rundt søtti møtte opp til feiringa av 17. mai, og dei fekk vere med på eit variert og innhaldsrikt program. 

Det heile tok til ute framom forsamlingshuset der Ann Kristin Nerland, leiar i 17. mai-komiteen ønskte alle velkommen. Så song dei Nasjonalsongen, før alle vart invitert inn i forsamlingshuset. 

Kirsten Marie Nordvik helt ein fin og reflektert tale for dagen, der hovudtemaet var kor trygt og godt det er å vekse opp i Norge, og at du sjølv har stor friheit til å ta dei vala ein vil for sitt eige liv. Etter talen vart det servert sodd. 

Etter maten var det leikar for ungane, loddsal og Quiz. Det var sal av brus og is, noko som var populært i det varme vêret. Det heile vart avslutta med kaffe og kaker i og utanfor forsamlingshuset. Årets 17. mai-komité kan notere ei vellukka og triveleg markering av Nasjonaldagen i minneboka!