Feiringa av nasjonaldagen i Todalen vart også i år avslutta med gudsteneste i Todalen kyrkje. Det var prost Vidar W. Rygh som var liturg, medan Borghild B. Talgø var tekstlesar og Amund Valde var organist. Mange møtte opp, og det vart ei fin gudsteneste og ei verdig avslutning på nasjonaldagsfeiringa.
Borghild ønskte velkommen til gudstenesta, og sa at nasjonaldagen var ein dag til ettertanke og ein dag vi skulle vere glad vi kunne feire nasjonaldagen vår i eit demokratisk land og at vi har fred.
Bra med folk på nasjonaldagsgudstenesta i Todalen kyrkje. Foto: B G Ansnes
Dagens heilage evangelium var henta frå Lukas evangeliet, og handla om tollarane og syndarane.
I preika si følgde Rygh opp likninga frå evangeliet og sa at hovudbodskapet er at vi ikkje sksl døme andre, for alle er ein del av guds familie, også dei som har synda.
Til slutt i gudstenesta song menigheita «Ja vi elskar», og markerte med det avslutninga på årets nasjonalsdagsfeiring.