Søndag er det musikalsk julehøgtid i Todalen og Åsskard. Solistar, orkester og kor inviterer til tonefest og julespel. Her kling «Et barn er født i Betlehem» og dei andre kjære allsongane. Her tonar «Julverset» frå Stangvik og «Julemotetten» av Alnæs. Her hører du «Stille natt» i originalversjon og adventstonar frå Bachs «Juleoratorium».
Orkesteret – fløyte, obo og strykarar – spelar m.a. suiten «Juletonar frå Nordmøre». Tor Strand trakterer orgel og piano. Operastudent Sigrid Vetleseter Bøe syng vakre soloparti – m.a. frå Handels «Messias».
Alle aktørar samlar seg om kantaten «I denne søte juletid». Denne illustrerer juleevangeliet – utforma som syngespel med enkle, stiliserte effekter.
Og under «Deilig er jorden» vil truleg taket løfte seg denne førjulssøndagen.
Konsertsprosjektet er støtta av Gjensidige, Surnadal Sparebank, sokneråda og lokale lag.