Fredag 21.mai fekk vi besøk av politibetjent Tor Kvande Hansen i midttimen. Han tok opp aktuelle tema med elevane som trygg og god bruk av intenett.
Etterpå var emnet sikkerheit i trafikken. Bilbelte må brukast alltid både i buss og privatbilar. Alt som er laust i bilen, får stor kraft ved bråstopp.
Eksempel: ei halvlitersflaske med brus – vekt 0,5 kg – treffer med ei kraft på 26,5 kg ved bråstopp i 50 km/t.
Vi avslutta økta ute der han sjekka syklar og sykkelhjelmar. Oppfordringa var klar: Bruk hjelm og sjekk bremsane på sykkelen ofte!
