I Bindal i Nordland går tidsrekninga på før og etter regattaen, på same måte som elgjakta i Østerdalen. Vi har iallfall høyrdt mykje positivt om regattaen i Bindal, og den har overlevd i snart 50 som kulturattraksjon og beinhard konkurranse. Talgøfirmaet Bindalsbygg/Talgø Agrobygg er sjølvsagt ein av mange sponsorar som gjer det muleg å halde fram med denne tradisjonen, som held lig i både terråk Idrettslag og i båttradisjonane som er viktige for Bindal kommune.
Kappsilas med Nordlandsbåtar – eit flott syn på fjorden utafor Terråk. Foto Jon Olav Ørsal
Denne helga er det altså regattahelg i Bindalen, der regattaen med Nordlandsbåtar er ein sentral aktivitet. Men det skjer mange slags aktivitetar denne helga – vi kan nemne Terråkmila, sykkelritt, utdeling av kulturpris, marknadsplass, familieroing, familieshow og mange aktivitetar for borna.
Regattaen engasjerer – mann av huse for å få med seg kappseilasen med Nordlandsbåtar. Foto Jon OLav Ørsal
Regattaen går over to dagar, med seier til beste sammenlagt. Første etappe vart unnagjort i dag, og det var båten «Bindalsfjord» som vann på heimebane. Regnet som kom på tampen av programmet la nok ein liten dempar på aktiviteten, men kveldens dansefest skal gå i ein av fabrikkhallane på Brukstomta så her blir det nok «hålligang» til langt på natt skal vi tru arrangøren.
Shantygutta frå Leka sørga for god underhaldning med flott song. Foto Jon Olav Ørsal
Elias var populær for dei minste – foto Jon Olav Ørsal
Resultatliste ajourført etter første dag – vinnar blir utropa etter sammenlagt resultat etter dag to.
Vi har lagt ut eit bildegalleri frå dagens aktivitetar – alle foto Jon Olav Ørsal
