Matkroken: – Handledag med skikkeleg trøkk

Laurdag var det nasjonal handledag i regi av Distriktssentret.  Distriktssentret jobbar med lokale sistebutikkar, og hjelper sistebutikkar til å halde stand i bygdesamfunn som elles ville ha problem.  Distriktssentret er ein kanal for å fordele støtte til nærbutikkane med tanke på oppgradering av butikkar og støtte til drift.  Ein gong i året arrangerer dei lokal handledag for å sette fokus på kor viktig nærbutikkane er for livet på bygda og for at folk skal trivast. 

– Det har vore full trøkk i heile dag, fortel Jorid Haugen Ansnes, som er butikksjef på Matkroken Todalen.  I opningstida laurdag har vi hatt tilbud på drivstoff, der prisen har vore 17,90 pr liter både for 95 oktan bensin og for autodiesel.  Det har vore kø på pumpen og i kassa nærast heile dagen og vi har dobla omsetninga som er vanleg på ein god laurdag.  I kaffekroken har det og gått unna, og det var tomt både for bakels og graut og for marsipankake – man vi hadde nok til at alle fi9kk traktering, seier Jorid etter at døra vart stengt kl 16 og siste kunde på veg ut.

I dag kunne du være med på trekning av 3 gevinstar på kassalappen din – du trong berre skrifve namnet ditt på lappen og så vart det trekt ut tre vinnarar på som får kvar sin premie.  Heldige vinnarar vart Marit Sanden Søyset Mari Flyum, og Jon Bruset som får sin premie neste gong dei kjem på butikken. 

I tillegg var det tippekonkurranse – kor mange drops/karamellar var det i krukka som stod ved kassadisken?  Her var det innhaldet i krokka som var premie, og den heldige vinnaren vart Britt Mossing.  I krukka var det 245 drops/karamellar og Britt tippa 246 – altså ein i frå full score.

Stor spenning var det og knytt til «Endres Quiz som gjekk føre seg i Kaffekroken. Her var det mykje spekulasjon, og det var faktisk ingen som hadde full pott med 20 rette svar.  Men flest rette svar hadde Solvår Lindset Øyen, som kunne skilte med 15 poeng og som dermed vart vinnar av gåvekort på kr 500,- .  Andre og tredjeplassen vart det loddtrekning om – Anders Gjeldnes og Sondre Halset hadde nemleg 14 poeng kvar.  Etter loddtrekning fikk Anders Gjeldnes 2.-premien med gåvekort på 300 kroner og Sondre Halset fikk 3.-premien med gåvekort på 250 kroner.