I kveld var det duka for nytt lokaloppgjør på Bordholmen. I denne kampen var det jentene i 12-årsklassen frå Kvass/Ulvungen/Søya/Todalen 2 som møtte Surnadal 1. Begge laga var klar for seier når vi tok ein prat før start. Jentene frå Surnadal kunne fortelje at dei hadde vunne det meste heile sesongen. Seinast i helga, på Jentecup i Trondheim.
Surnadal 1 J12 møtte mannsterke på Bordholmen.
KUST-jentene var litt færre, men ved godt mot før start. Dei har to lag, der det andre laget var på kamp i Surnadal.
Surnadal tok leiinga tidleg i kampen, og dominerte til tider kampen. Sidan dei hadde ein del fleire innbyttarar var nok fotane relativt friske i begge omgangar, medan KUST-jentene måtte jobbe for å stå i mot målfarlege surnadalsjenter.
Vart mange mål for spissane til Surnadal.
Anders og Jon kosa seg på sidelinja med kaffe, graut og bakels.
Neste kamp på Bordholmen er mandag 12. september. Da kjem Clausenenga på besøk og spelar mot STUK J16.