Foto: Jo Gjeldnes
Hopp under nyhetssakene

Lokale kunstnarar med på Norske Kunsthåndverkere si utstilling

Stig Husby Tysdag 21. september 2021

Sist fredag var det opning av Norske Kunsthåndverkere si årlege temautstilling på Kunstnersenteret i Skien. Omlag 300 søkte om å få vere med på utstillinga som i år har fått namnet SKOG. Og blant dei 33 som kom gjennom nålauge finn vi to av våre lokale kunstnarar representert, nemleg keramikarane Toril Redalen og Brit Dyrnes.

Toril er todaling med verkstad i på Fosenkaia Trondheim og eige «felt-verkstad» i Austigarden på Kvendset, og Brit arbeidar ved Kvenna Kunstnerverksted og bur i Stangvik. Dei er representert med verkene Hva bærer jeg med meg? (Brit)  og Skjelvende menneske (Toril). I utstillinga SKOG har kunstnarane i tilegg til blåleire arbeidt med tre, metall og tekstil.

  
Brit Dyrnes med Hva bærer jeg med meg?  Les meir om verket her

 
Toril Redalen med Skjelvende menneske. Les meir om verket her
 

Så er du i Skien før den 31.oktober, så er det berre å svinge innom utstillinga SKOG på Kunstnersenteret.

Her kan du lese pressemeldinga om utstillinga frå Norske Kunsthåndverkere.

Dokumentasjonsfoto: KUNSTDOK/ Tor Simen Ulstein for Telemark kunstsenter. 

Ps:

Toril har bedt oss om å få sende ein ekstra takk til Line Kvendset og Martine Redalen for hjelp med produksjonen av verket sitt, Siri Skjerve for lån av verkstad i sommar, og Laila Kvendset og Camilla Lund Ohrvik for heilt avgjerande hjelp av montering av installasjon i visningsrommet! 

 
T.v. Laila og Camilla i aksjon under monteringa av Skjelvende menneske. 
T.h. I produksjonen av Skjelvende Menneske blei det pressa og stansa 2000 ospeblad.
Først publisert: 21. september 2021, 17:00 - Sist oppdatert: 22. september 2021, 19:07