- Mange fann vegen til Sanitetshuset i dag når Todalen Sanitetsforening åpna dørene til si årlege klesinnsamling til Estland. Dette er blitt ein årvis hending hos Saniteten, og etter 6 år verkar det fortsatt som om dette er eit populært tiltak. 98 store søppelsekkar vart i dag stabla opp i uthuset på Kvendset, klare for levering til Estlandsforeninga i Rindal.
- Fleire av dei oppmøtte var utabygs frå. Både nordvikgardingar og surnadalingar hadde rydda i sine vinterlager og tok seg ein todalstur i finveret. Dei fleste tok seg også tid til ein gratis kaffekopp med noko attåt inne i Sanitetshuset.
- Sanitetsdamene nytta samtidig dagen til ei lita vårreingjering både inne og ute rundt sanitetshuset i finveret.
Guro Beate Sæterbø, Håkon Sæterbø, Marie Orahaug, Åse Rendal Holten og Gudrun Bela var god fornøgd med at dei også i år kunne komme til Todalen Sanitetsforening med sine varer. Dei hadde benytta seg av tilbudet tidlegare også kunne dei fortelje.
Torunn Nordvik og Wenke Kvendset har levert varer hos Liv Larsen, Synnøve Talgø og Jorunn Ørsal.