Frå 1.oktober blir trimpostane til Trimgruppa i Todalen Idrettslag, som tidlegare nemnt, opna for digital registrering gjennom appen Turpoeng. Frå neste veke vil: «http://www.trimpoeng.no/i/paa-tur-i-todalen/», bli «levande» og registreringa kan ta til. Her finn du alt av informasjon og rettleiing du treng for å kunne bli med på den digitale registreringa av trimturane dine. Her kan du ôg laste ned Trimpoeng-appen. Når det blir opna for å registrere seg i appen på telefonen, vil alle registrerte bli synlege. Samstundes vil turane med besøk, i samtid, bli synlege.
Laurdag 2.oktober klokka 12:00, inviterer Trimgruppa bygdefolket, og andre turentusiastar, til «bålkaffe» og enkel servering i Båthølen. Her vil det ôg bli kyndig rettleiing i bruk av denne «nymotens» turregistreinga. Etterpå blir det mogleg å registrere seg på trimposten i Gunnøya.
I løpet av neste veke vil det ôg skje noko i Toåa tursti, som etter plana vil bli avduka laurdag 2. oktober. Trimgruppa er så heldig å ha den lokale kunstnaren, Sissel Halset Storslett med på laget, og ho jobbar no på spreng for å få til eit «kunst-tur» element der registreringa av trimposten i Toåa tursti vil bli.
Sjølv om det ikkje er mogleg å registrere trimturane sine i appen enno, så er det mogleg å laste den ned, slik at du er klar til å starte registreringa av trimturane dine, når den tek til! Appen finn du her: «På tur i Todalen»
Slik ser framsida på telefon-appen ut.
Trykk på «Lansering På tur i Todalen». Her finn du meir og oppdatert informasjon om arrangementet i Båthølen, laurdag den 2.oktober.