Todalen sokneråd inviterer til dugnad på kyrkjegarden komande måndag 28. april frå kl 18:00 og utover. Da skal vi pynte opp både utvendig og innvendig, fortel Borghild Talgø som er leiar i Todalen sokneråd. Derfor oppfordrar ho til å ta med høveleg utstyr både til hagearbeid og reinhald inne.
Det blir sjølvsagt servert dugnadskaffe med noko attåt, og soknerådet vil nytte høvet til å informere litt om det dei har drive med det siste året – og anna aktuell informasjon frå soknet. Mellom anna har dei rydda i sakrestiet og funne ein flott dåpskjole som i si tid var gåve frå Todalen husmorlag – no er det snart tretti år sia den har vore utlånt. Alle sammen er velkomne til å bli med på dugnaden måndag kveld!