September har lagt seg til ro. Men før vi pakkar inn hausten i ullteppe og tek fram isbadehugen, må vi hylle fotografen bak Krokvatnet, månadens blinkskot i september. Vi gratulerer fotograf Torkjel Ansnes Moe med sigeren!
No er oktober her, månaden med gyllent lauv, frostperler og mørke kveldar. Perfekt tid for blinkskot av rim på graset, solstrålar som bryt skodda eller hjorten som trur han eig vegen.
Det er kanskje litt meir utfordrande å ta bilete av landvind og nattlege hjortebrøl, men som vanleg blir vi svært glade for dagsaktuelle fotoglimt frå kvardagen både i bygda og utanfor Kammen.
Send bidrag til red@todalen.no og bli med i kampen om å bli Todalens eigen naturpaparazzi, linselegende og motivmeister.