Etter ei påske med sol og godver har lågtrykka stått i kø utanfor kysten, og det har regna, sludda og blåse.
Både siste måndagen i april og første måndagen i mai vart det kløvertur i Toåa tursti; kjekt å ha turstien når det elles er vått over alt.
Da turdeltakarane gjekk utover Kvennsetgarden 5. mai, var det strete ver og stri motvind. Her måtte ein verkeleg «halde på hatten» og ta tak for å få få framdrift og trasse vinden, men litt artig, og!
Vått, men grønt og frodig. Ute på tur: Kari, Liv Jorunn, Jorunn og Arndis. Foto: Marit Sanden Søyset.
Siste måndagen i april var det enda våtare, så da vart det ein kort luftetur.
Heldigvis så er det både varme og varm drikke i Kaffekroken på Matkroken!
Fleire bilete:
Turfølget 5. mai: Helga, Arndis, Marit og Jorunn. Foto: Dordi Jorunn Halle.
Nysnø i fjellet og irrgrøne ekrer. Foto: Marit Sanden Søyset.
I turstien 28. april. Foto: Marit Sanden Søyset.