Det var ikkje akkurat mildt og fint vårver første kløverturdagen i mai, men regnelingar og sterke vindkast. Turvandrarane måtte halde både på hatten og håret!
Triveleg i Gunnøya. Frå venstre: Åse, Helen, Helga, Karen Johanne, Kari og Marit. Foto: Dordi J H
Turen gjekk frå Matkroken og bort til Halsabrua i friske vindkast. Det vart litt lunare da turfølget kom inn på turstien langs Toåa. Etter ein liten pause i gapahuken i Gunnøya gjekk det strake vegen oppover til Bønnavollan og så ned att til gapahuken ved Båthølen. Da var det rett og slett ein «vederkvegelse» å kome under tak og få ly mot vinden. Det var faktisk varmt og godt inne i gapahuken!
Turen vart avslutta med triveleg prat og forfriskningar i Kaffekroken til handelsmann Nordvik.
Fleire bilete frå kløverturen 2. mai:
Stien frå Halsabrua mot Gunnøya er no kjøle fin. Foto: Dordi J H
Ujamnt underlag, her må ein konsentrere seg om å trø rett. Foto: Dordi J H
Fint å gå gammelstien, reint så idyllisk. Foto: Marit Sanden Søyset.
Hustre ver. Foto:Dordi J H
Godt å kry innomhus. Foto: Dordi J H
Grå dag! Foto: Dordi J H