Kløvertur i nydeleg vinterver

Siste kløverturen i 2023 gjekk i Toåa tursti i nydeleg vinterver; – minus ti grader, skyfri himmel og snødekt mark.

Det var riktig kaldt da turfølget starta på turen innover Kvennsetgarden, men underleg nok vart temperaturen behageleg da turgåarane kom ned i turstien

Heldigvis er det slik at folk går turstien uansett ver og føre, så der var det hardtrappa sti i snøen, – altså fint og lett å ta seg fram.

Etter turen var det pratestund i Kaffekroken.

No er det kløverturpause fram til sola dukkar fram att att i 2024.

Oppsummering frå året 2023:

Det har vor 30 turdagar, 14 vårturar og 16 haustturar. Dei fleste turane har vore innafor Kammen, men det har og vore litt lengre utflukter som til Kavlvegen på Surnadaleidet, Øygardshalsen og Haltbakkan. Det gjer godt med variasjon!

Deltakartalet har variert frå seks til trettitre, og i løpet av året er det utført 285 turar.

Kløvertur er ein av basisaktivitetane til Sanitetskvinnene, og den første kløverturen i regi av Todalen sanitetsforening vart arrangert 13. februar i 2017.