Klart for Vårsøghelga 2023

I morgon klokka 18:00 startar Vårsøghelga 2023. Da er det opnninng av kunstutstilling med årets festivalkunstnar Nirmal Singh Dhunsi frå India, no busett i Trondheim. Dette foregår i Finstuå på Surnadal kulturhus. Årets Vårsøghelg varer til og med søndag 28. mai.

Årets program for Vårsøghelga ser du nedanfor:

Torsdag 25. mai

Klokka 18:00 – Kunstutstillingsåpning i samarbeid med Surnadal kunstforening. Årets festivalkunstnar er Nirmal Singh Dhunsi frå India, bosatt i Trondheim.

Fredag 26. mai

klokka 11:00 – «Saman for Surnadal» Vi gjentek suksessen frå i fjor med konferansen Saman for Surnadal, i samarbeid med Sparebank1 Nordmøre og Surnadal næringsforening. Årets undertittel er «Litt utanfor allfarveg» Konferansen arrangeres i bankens lokaler på Skei. Her blir det innlegg med Terje Talgø, Bodil Børset, Kjell Gunnar Polden, Eigunn Stav Sætre og Tommy Fossum, lunch og musikalsk innslag av Roar Engelberg på panfløyte.

Klokka 12:00 – «Henningtimen». Ein annleis musikktime med Henning Sommerro for 9. og 10. trinn ved Surnadal ungdomsskule.

Klokka 18:00 – Konsertforedrag på Surnadal billag kl 18.00 om forfattarane Kristofer Uppdal og Hans Hyldbakk: «Ei vandring i to lyriske landskap».

Språket i måleriet.

Musikken i språket.

Språket i musikken.

Uppdalbiograf Arild Bye reflekterer rundt Uppdal og Hyldbakk.

Jakob Weidemann sine digitaliserte malerier, som ikkje har vore utstilt sidan 1996, skaper scenografi.

Musikerne Ine Hoem, Trygve Fiske og John Pål Inderberg spiller

musikk av Trygve Brøske, Henning Sommerro og Gunnar Germeten jr.

Det norske teatrets produksjon «Bloddrope-trall» fra 1996 er utgangspunkt

for denne forestillingen under Vårsøghelga. I samarbeid med Uppdaldåggån på Steinkjer. I tillegg får vi høre Henning sine komponiststudentar ved NTNU, som har skrevet nye melodiar til tekstar av Hans Hyldbakk

Klokka 20:00 – Konsertane på Surnadal billag under Vårsøghelga, har etablert seg til å bli ein av dei aller største og mest magiske konsertane i Surnadal gjennom året

I år er det ei stor glede å ønske Ingrid Olava med sitt band velkommen til Vårsøghelga. Ingrid Olava har sunget seg inn i våre hjarter og for lengst befesta sin posisjon blant landets mest substansielle og viktige artistar. No får vi høre ho i Surnadals råeste konsertlokale. Surnadal Billag.

Siden den kritikerroste debuten med Juliet’s Wishes har Ingrid Olava med si karakteristiske stemme og vakre pianospill levert eit imponerende antall konsertar og ein låtkatalog som har resultert i en mengde priser og nominasjonar gjennom ein musikkarriere på 14 år.

I bandet har Ingrid Olava med seg Jo Berger Myhre på bass og Erland Dahlen på trommer.

Sigurd Brørs og Gøran Bolme åpner kvelden med kvar si avdeling, før Ingrid Olava går på scenen.

http://ingridolava.info/
https://www.facebook.com/ingridolava
https://www.instagram.com/ingridolava/

Lørdag 27. mai

Klokka 12:00 – Kulturtorg på Surnadal Kulturhus med konsert med bl a elevar frå Surnadal og Rindal kulturskule.

Klokka 13:00 – Boksøg med Guri Sørumgård Botheim leia av Svein Sæter. Musikkalsk innslag ved Sigurd Brørs. I samarbeid med Møre og Romsdal forfattarlag. Temaet for boksøgen er romanen «Høgfjellsmeldinga», som kjem i mars.Guri Sørumgård Botheim kjem frå Lesja og flytta i 2021 til Dombås, etter mange år i Trondheim. I lag med systera Sigrid debuterte ho med romanen Ramstein pensionat i 2009. Sigrid og Guri har vore humorskribentar saman og er kjente for særeigne framføringar.

«Rett og gale i fjellet?»

Boksøg med Guri Sørumgård Botheim leia av Svein Sæter. I samarbeid med Møre og Romsdal forfattarlag. Musikalsk innslag ved Sigurd Brørs.

OM ARRANGEMENTET

Kven har rett til å bruke fjellet og til kva? Spørsmålet er brennbart stoff i folkesjela. Guri Sørumgård Botheim og Svein Sæter har båe nyleg gjeve ut bøker inspirert av natur og konfliktar på Dovrefjell. Under Vårsøghelga møtest dei til samtale om romanen Høgfjellsmeldinga av Guri.

Lesjingen Guri er gift med surnadalingen Sigurd Brørs. Han har laga omslaget til romanen og komponert ein song med tekst frå boka. Sigurd er med på boksøgen og framfører songen «Fjell og vilje».

OM HØGFJELLSMELDINGA
Romanen Høgfjellsmeldinga er ein poetisk pageturner om naturrestaurering, kontorliv, radikale meiningar, kjærleik, hemn og usynlege drivkrefter.
Hovudpersonen i Høgfjellsmeldinga, Ragna Svae, får jobben som kommunikasjonsansvarleg ved Norsk villreinsenter på Hjerkinn. Ho flyttar frå Trondheim til eit knøttlite samfunn på Dovrefjell. Her vil ho starte eit nytt liv.
Men jobben viser seg å bli meir utfordrande enn ho hadde sett for seg. Hendingar i fortida blir kvervla opp. Eit djupt sakn tek tak i ho og dyttar ho i ei drastisk retning.

Høgfjellsmeldinga er heilt fersk, men har allereie fått gode kritikkar. «… ein fleirstrenga og leseverdig roman», skriv Martha Norheim i NRK. Stein Roll i Adresseavisen trillar terningkast 5, mens Live Lundh i Morgenbladet framhevar humoren i boka.

OM DELTAKARANE
GURI SØRUMGÅRD BOTHEIM kjem frå Lesja. I 2009 gav ho ut romanen Ramstein pensionat i lag med systera Sigrid. I 2016 gav ho ut Heime mellom istidene, ei diktsamling om kva det vil seia å kjenne seg heime. Den nye romanen Høgfjellsmeldinga vidarefører tema frå diktsamlinga, men knyter seg nærare eit dagsaktuelt konfliktstoff: Kven har rett til å bruke fjellet og til kva? Guri er utdanna litteraturvitar og arbeider som rådgjevar i Norsk Forfattersentrum. Ho flytta i 2021 frå Trondheim til Dombås i lag med mannen Sigurd Brørs.

SIGURD BRØRS kjem frå Surnadal. På dagtid er han grafisk designar i trondheimsfirmaet Headspin. På kveldstid er han låtskrivar og musikar. Sigurd var i mange år primus motor i pop-banda Karl Barx og The Brørs i Trondheim. Han har blant anna gjeve ut CD-en «Pappa-pop». Sigurd har laga songen «Fjell og vilje», lydsporet til romanen Høgfjellsmeldinga. Sigurd har òg laga omslaget til boka.

SVEIN SÆTER er forfattar og journalist busett i Stangvik. Mange av bøkene hans har tema frå natur og historie. Han har ferdast i Dovrefjell og Sunndalsfjella sia barndommen, og har skrive mykje om denne store fjellheimen i aviser, tidsskrift og bøker. Sist haust gav han ut boka Kampen om Dovrefjell. Europas siste intakte høgfjellsøkosystem, i samarbeid med dottera Yngvild Sæter. I boka viser dei fram unike naturverdiar, som villreinen, og kva som truar desse verdiane.

Meir info: www.guriheim.no
Foto: Benedikte Skarvik.

Kl 15:00 – Konsert: «Kvartett tidens ende» Under andre verdenskrig satt komponisten Olivier Messiaen i tysk fangenskap, og Kvartett til tidenes ende ble skreve i konsentrasjonsleiren Stalag i 1940-41. Stykket vart urframført utandørs under sult og kalde forhold, og på delvis øydelagte instrument. Saman med sine medfangar spela Messiaen for eit publikum på om lag 400 fanger og fangevoktere den 15. januar 1941. Stykket er skrevet for ei spesiell instrumentbesetning, rett og slett fordi han komponerte for dei musikerne han hadde tilgjengelig blant medfangane. Dermed endte han opp med fiolin, klarinett, cello og klaver.

Musikken er et gripende testament til tiden og konteksten den ble skrevet i, og er dessverre framleis relevant; ingen som har hørt den oppført live, går frå konserten uberørt.

Kvartett til tidens ende blir framført i Finstuå på Surnadal Kulturhus, omkranset av Nirmal Singh Dhunsi sin kunst. Her får vi høre eit stjernelag av musikarar, bestående av Øyvind Gimse (Cello), Mona Spigseth (Flygel) Daniel Turcina (Fiolin) og Rik De Geyter (Klarinett).

Klokka 18:00 – Kleivakvelden 2023. Årets kleivakveld blir nok ein gong eit stort høgdepunkt under Vårsøghelga. Vi får som vanleg oppleve Henning og John Pål i strålande form, nye fantasifulle dikt av grunnskuleelevane, Kleivapris, panfløytefenomenet Roar Engelberg og to av våre aller beste og mest energiske vokalistar saman på Kleivascenen. Elisabeth Bettan Andreassen og Knut Marius Djupvik. (Foto Knut Marius: Fred Jonny, Foto Bettan: www.Bettan.no)

Søndag 28. mai

Kl 13:30 – Boksøg 2: Bernt og bøkene. Vårsøghelga inviterer til ei spennande vandring i det store og allsidig forfattarskapet til Bernt Bøe. Her finst setrer og eventyr, kyrkjer og båtar, salmar og revyviser – og mykje meir. Møt Bernt Bøe i samtale med Svein Sæter. «Bernt og bøkene» er eit samarbeid med Møre og Romsdal forfattarlag. Boksøget foregår i Prestegarden i Stangvik

Kl 15:00 – Konsert i Stangvik kyrkje. På denne konserten får vi besøk av ein av verdas beste trompetister som i tillegg er ei av Noregs aller største internasjonale stjerner. Ole Edvard Antonsen har vore solist på dei største scenene i over 40 land. Carnegie Hall NY, Berlin Filharmonien, Musikverein i Wien, Sidney Opera House og no altså i Stangvik kyrkje. Ole Edvard Antonsen har motteke ein rekke utmerkelsar og prisar som td Kommandør av St Olavs Orden, Diapason dÒr i Frankrike, Spelemannsprisen, 1. pris i UNESCO konkurransen mm. Ole Edvard er ein ettertrakta pedagog, og held meisterklassar over heile verda. På denne konserten får vi høre han i samspel med vår eigen orgelvirtuos Erling With Aasgård, og Petter Anthon Næss. I tillegg til Antonsen får vi på denne konserten oppleve eit av Noregs beste blandakor. Kammerkoret Aurum med base i Trondheim, har utmerka seg med sin nyskapning og kvalitet. Koret blir dirigert av Eva Holm Foosnæs. Denne konserten kan fort bli den aller største konsertopplevinga på Nordmøre i 2023. Foto O E Antonsen: Kim Rognmo

Kl 19:00 – Vårsøghelga avsluttes i Storstuå med eit fyrverkeri av ein konsert. Vi er stolte over å samarbeide med Operaen i Kristiansund om denne konserten. Her får vi ein heil konsert via i musikalens tekn. Det blir songar frå våre kjære lokale Nordmørsmusikalar Lady Arbuthnott, Donna Bacalao, og Spelet om Mardøla, i tillegg til høgdepunkt frå dei store internasjonale musikalane som Les Miserables, Chess, Jungelboken og Mamma Mia. Ekstra stas er det at «vår eiga» Karianna Sommerro er songsolist saman med Emil Solli Tangen på denne konserten. Dei blir akkompagnert av Operaen i Kristiansund sin flotte sinfonietta, og Scene Ung.