Talgø minner om invitasjonen til kaffelag på Gammelfabrikken søndag ettermiddag i tidsrommet 14 – 17. Da er bygdefolket og andre interesserte invitert til kaffelag og omdvisning, og det er sjølvsagt den historiske avdelinga som er mest i fokus. Torsdag kom ulven på plass, og da er Trollheimsutstillinga komplett med dyr og fuglar som held til i Trollheimen. Det var faktisk på tide at den vart motert opp igjen, slik at den blir teken vare på – og at den etter kvart blir ttilgjengeleg for publikum igjen.
Sentrale personar som har lagt ned ein stor innsats for å få på plass utstillingane i den historiske avdelinga i 2. etasjen på Gammelfabrikken. Frå venstre Gunnar Nordvik, Magne Søyset og Anita Talgø som har vore prosjektleiar. Men mange fleire har vore med og bidrege med sine tenester. Foto Jon Olav Ørsal
I tillegg til Trollheimsutstillinga er det ei historisk avdeling for Talgø Møbelfabrikk – i år er det 125 år sia Thore og Thora starta med møbelfabrikk med straum frå Nordmøres første kraftverk, med vasskraft frå Storfossen. Utstillinga viser mange møbelprodukt som har vore produsert «innunder fossen» i denne perioden. Familien Talgø har heile perioden vore eigarar og drivarar, og er det framleis. I tillegg er det vist verktøy og utstyr frå tida da handverk verkeleg var handverk – her får vi sjå verkstaden til Sigvart Husby, Henrik Halle og Olav Stengel. Prosjektet er enno ikkje fullført, men det er såpass ferdig at det går an å vise fram til «kjentfolk», seier Anita Talgø.
Anita Talgø – med kortreiste nissar frå Hildegunn Stengel som du finn i utstillinga. Foto Jon Olav Ørsal
Troppoppgangen er full av historie som – Magne har vore montør og har hatt ei sentral rolle i monteringsarbeidet i heile prosjektet. Foto Jon Olav Ørsal
Talgøkonsernet er medlem i Todalen.no