Det var lenge tvil om det skulle bli julegudsteneste i Todalen kyrkje på julaftan. Det vart einslags kompromiss for arrangementet, med dobbel avstand mellom sitteplassane og sjølsagt obligatorisk handvask med antibac for å redusere eller eliminere smittefaren. Det vart imidlertid eit treiveleg arrangement med 30-40 påmeldte, men sokneprest Kristin Strand og resten av gjengen klarte å lage god atmosfære med tilhøyrande julestemning for oss som var der.
Sokneprest Kristin Strand på prekestolen i Todalen kyrkje. Foto: Jon Olav Ørsal
Spesielt var det også at det var premieredag på julaftan for ny organist. Ronny Kjøsen hadde si første gudsteneste her i Todalen kyrkje på julaftan og er formelt tilsett som organist i Stangvik prestegjeld frå 20. desember. Kjøsen kjem frå Hølonda, men er no busett i Rindal. Han kjem frå jobb i i Midtre Gauldal, der han har vore organist sia 2012. No skal han altså være organist i 60% stilling for dei tre sokna i Stangvik – Todalen, Stangvik og Åsskard. I tillegg jobbar han litt som frilansarbeid som også er knytt til musikk.
Nyorganisten – Ronny Kjøsen frå Hølonda starta som organist i Stangvik prestegjeld for 4 dagar sia – i dag hadde han sin første arbeidsdag i Todalen. Foto: Jon Olav Ørsal
Å være organist kan være ein allsidig jobb – i dag måtte han trø til som orgelreparatør! Det blir nok ikkje siste gongen. Foto: Jon Olav Ørsal
Under julegudstenesta var det litt problem med orgelet. Det er forsåvidt eit kjent problem, og presten gjorde oss merksame på at det ikkje var skulda til nyorganisten – ho spøkte med at det var skulda til kyrkjetenaren som også kom frå Valsøyfjord. Men vi kan vel frikjenne han og denne gongen :-). Elles bidrog Marit Løfaldli med både preludie- og postludinesong i tilknyting til julegudstenesta.
Todalen kyrkje – julesnøen vart levert akkurat i tide, jmen den blir vel kanskje ikkje så langvarig skal ein tru vêrmeldinga. Foto: Jon Olav Ørsal