Julegudstenesta markerer starten på julefeiringa

For mange er det julegudstenesta i Todalen kyrkje som markerer starten på julefeiringa.  Dagens julegudsteneste samla eit knapt hundretal som deltok i ei triveleg og fredfull gudsteneste som ein start på ei fred full julehelg.  Det var prost Vidar Wilhelmsen Rygh som som heldt gudstenesta og han hadde med seg Bernt Bøe som organist og Borghild Betten Talgø som tekstlesar.

Både dagens preludium og postludium var basert på folketonar etter Tommina Husby, og elles var det flott salmesong, som var forsterka med forsongarar frå P17-koret.  Som seg høver på ei julegudsteneste var det kjente julesalmar som «Det kimer no til julefest», «Eg er så glad kvar jolekveld», «Det lyser i stille grender», «Et barn er født i Betlehem» og gudstenesta slutta med «Deilig er jorden».  Elles fekk vi sjølvsagt høyre juleevangeliet og dagens andakt/preken var sjølvsagt basert på julebodskapet.  Takkofferet gikk i dag til kyrkjelydsarbeidet i Todalen sokn.