Det har i nokre dagar no vore sjøis, så i går kveld inviterte Barne- og ungdomsgruppa i Todalen Idrettslag til ishockey på sjøisen. Og responsen var bra, både frå dei unge og dei vaksne. Barne- og ungdomsgruppa hadde lyst opp banen med faklar, teke med ishockeymål, køller og puckar, så det vart ein fin kveld med aktivitet, lys og stemning.
Ishockeybanen var opplyst av faklar. Foto: Anders Gjeldnes
Det vart rekna over tjuefem personar rundt ishockeybana, inkludert ein delegasjon frå Nordvik. Ikkje dei tjuefem spela ishockey, men dei fekk i alle fall nytta høvet til å få seg ein tur på sjøisen med levende lys, hovudlykt og spenning.
Sjølv om banen var opplyst av faklar, var det ein fordel å ha hovudlykt i tillegg. Foto: Anders Gjeldnes
Ivrige ishockeyspelarar. Foto: Anders Gjeldnes
Utan at vi har noko eksakt årstal å vise til, så trur vi det er ei stund sia det vart spela ishockey på sjøisen. Foto: Anders Gjeldnes