Måndag 24. februar er det tre år sidan Russland gjekk til fullskala krig mot Ukraina. I samband med treårsdagen blir det invitert til solidaritetsmarkering til støtte for Ukraina i lokala til Surnadal frivilligsentral i Fiskegården på Skei klokka 17:00 – 18:00.
Krigen har kosta hundretusenar av menneskeliv og mange millionar lever under russisk okkupasjon. Europa står ovafor den største flyktningekrisa sidan andre verdskrig.
Flyktningar frå Ukraina og andre som ønsker å vise sin solidaritet med Ukraina og det ukrainske folk er velkomne til solidaritetsmarkeringa på Surnadal frivilligsentral måndag 24. februar. Det blir servert kaffe og kaker, og ordførar Hugo Pedersen vil halde tale.
Arrangørane ønsker alle velkommen!