Foto: Jo Gjeldnes
Hopp under nyhetssakene

Inviterer til fellestur til «Treffasthytta» i Skeisnebba

Bjørn Gunnar Ansnes Måndag 6. oktober 2025

I samband med «Friluftlivets år», inviterer «Treffastgjengen» på Surnadal frivilligsentral fredag 10. oktober klokka 12:00 – 14:00 alle til felles fottur til «Treffasthytta» i Skeisnebba.   

Oppmøte på Surnadal frivilligsentral klokka 12:00. Derifrå blir det samkøyring til parkeringsplassen nede ved starten på Skeisnebbvegen. For å koma fram til hytta må ein gå ca. 1,4 kilometer oppetter grusvegen. Framme ved hytta blir det servert kaffe og bakeverk.

Ta på gode sko og kle deg etter vêret, og ta med ein ven eller fleire!

Eventuelle spørsmål kan rettast til Ann Kristin Bruset, sjå kontaktinformasjon

Alle er velkomne!

 

Publisert: 6. oktober 2025, 12:23