Foto: Jo Gjeldnes
Hopp under nyhetssakene

Innspurten i gang på Tjønnmyra

Jon Olav Ørsal Onsdag 11. juni 2014

Innspurten på anleggsarbeid på lysløypeanlegget på Tjønnmyra er i gang. Etter at Per Gjeldnes Maskin har planert og pynta på løypetraseen dei siste vekene, er no arbeidet med lysanlegget starta. Kablar er alt gravd ned og det som står att er montering av pålar. Det arbeidet starta tysdag kveld, og da vi var oppom Tjønnmyra hadde dugnadsgjengen alt fått på plass dei første pålane.

DSC_2814

Brei og fin løypetrasè gjennom skogen på Tjønnmyra. Foto: Jon Olav Ørsal

Det skal tilsaman monterast rundt 20 impregnerte pålar etter løypetraseen, samt ned mot avkjøringa frå Dalavegen og  til arenaen. Når pålane er komne på plass, er det klart for montering av armaturar. Nils Ove Bruset som er ledar for dugnadsgjengen rekna med at anlegget kan ferdigstillast i løpet av juni. Så er det berre å vente på vinteren og skiføret!

DSC_2809

Tove T. brøndbo sørga for forfriskningar til dugnasgjengen, Arnt Ivar Brøndbo, Nils Ove Bruset, Ola Bruset og Per E. Gjeldnes. Foto: Jon Olav Ørsal

DSC_2803

her kjem pålane på plass – ein etter ein. Foto: Jon Olav Ørsal

DSC_2810

David og Goliat – alt til sitt bruk. Den ein gravemaskina er 1,4 tonn, den andre 14! Foto: Jon Olav Ørsal

Publisert: 11. juni 2014, 16:00